ನವದೆಹಲಿ, 05 ಅಕ್ಟೋಬರ್ (ಹಿ.ಸ.):

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಸೋಮವಾರ ಬೆಳಗ್ಗೆ ಎಂದಿನಂತೆ ‘ಸುಭಾಷಿತಂ’ದ ರೂಪದಲ್ಲಿ ಸುಂದರವಾದ ಸಂಸ್ಕೃತ ಶ್ಲೋಕವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಶ್ಲೋಕದ ಮೂಲಕ ಮನುಷ್ಯನ ಏಳು ಗುಣಗಳನ್ನು ಅವರು ಉಲ್ಲೇಖಿಸಿದ್ದಾರೆ.

ಪ್ರಧಾನಮಂತ್ರಿ ಹಂಚಿಕೊಂಡಿರುವ ಶ್ಲೋಕ ಹೀಗಿದೆ:

“ಶುಚಿತ್ವಂ ತ್ಯಾಗಿತಾ ಶೌರ್ಯಂ ಸಾಮಾನ್ಯಂ ಸುಖದುಃಖಯೋಃ।

ದಾಕ್ಷಿಣ್ಯಂ ಚಾನುರಕ್ತಿಶ್ಚ ಸತ್ಯತಾ ಚ ಸುಹೃದ್ಗುಣಾಃ॥”

ಈ ಶ್ಲೋಕವು ಪ್ರಸಿದ್ಧ ಸಂಸ್ಕೃತ ಗ್ರಂಥ ಹಿತೋಪದೇಶದಿಂದ ತೆಗೆದುಕೊಳ್ಳಲಾಗಿದೆ.

ಶ್ಲೋಕದ ಅರ್ಥವನ್ನು ಪ್ರಧಾನಿ ಮೋದಿ ತಮ್ಮ ಪೋಸ್ಟ್‌ನಲ್ಲಿ ವಿವರಿಸಿದ್ದು, ಹೃದಯದ ನಿರ್ಮಲತೆ, ತ್ಯಾಗದ ಮನೋಭಾವ, ಶೌರ್ಯ, ಸುಖ-ದುಃಖಗಳಲ್ಲಿ ಸಮಾನ ಭಾವ, ಚಾತುರ್ಯ, ಅನುಬಂಧ ಮತ್ತು ಸತ್ಯತೆ ಇವು ಕೇವಲ ಸಾಮಾನ್ಯ ಸ್ನೇಹಿತನ ಗುಣಗಳಲ್ಲ. ಉದಾರ ಹೃದಯ ಮತ್ತು ವಿಶಿಷ್ಟ ವ್ಯಕ್ತಿತ್ವ ಹೊಂದಿರುವ ಮನುಷ್ಯನ ಗುರುತುಗಳಾಗಿವೆ ಎಂದು ಹೇಳಿದ್ದಾರೆ.

ಮನುಷ್ಯ ಈ ಜಗತ್ತಿನ ಶ್ರೇಷ್ಠ ಜೀವಿ ಎಂಬುದು ಸಾಮಾನ್ಯವಾಗಿ ಅಂಗೀಕರಿಸಲ್ಪಟ್ಟ ವಿಚಾರ. ಆತನ ಶ್ರೇಷ್ಠತೆಯನ್ನು ಆತನ ಚಿಂತನೆ, ವಿವೇಚನೆ ಮತ್ತು ನಡವಳಿಕೆ ನಿರ್ಧರಿಸುತ್ತವೆ. ಇತರ ಜೀವಿಗಳಿಗಿಂತ ಭಿನ್ನವಾದ ಚಿಂತನಾ ಸಾಮರ್ಥ್ಯ ಮನುಷ್ಯನಿಗಿದ್ದು, ಈ ದೃಷ್ಟಿಯಿಂದ ಆತನ ವಿಚಾರ ಪ್ರಕ್ರಿಯೆ ವಿಶಿಷ್ಟವಾಗಿದೆ ಎಂದು ಪ್ರಧಾನಿ ಮೋದಿ ತಮ್ಮ ಸಂದೇಶದಲ್ಲಿ ಪ್ರತಿಪಾದಿಸಿದ್ದಾರೆ.

--------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.