ಬೆಂಗಳೂರು, 20 ಅಕ್ಟೋಬರ್ (ಹಿ.ಸ.):

ಉತ್ತಮ ಸಮುದಾಯ ನಿರ್ಮಾಣಕ್ಕೆ ಉತ್ತಮ ವ್ಯಕ್ತಿತ್ವ ಮತ್ತು ಸೌಹಾರ್ದತೆ ಅಗತ್ಯ. ಒಗ್ಗಟ್ಟು, ಪರಸ್ಪರ ಗೌರವ ಹಾಗೂ ಧಾರ್ಮಿಕ ಮತ್ತು ಸಾಮಾಜಿಕ ಮೌಲ್ಯಗಳನ್ನು ಬಲಪಡಿಸುವ ಮೂಲಕ ಸಮಾಜದಲ್ಲಿ ಶಾಂತಿ ಮತ್ತು ಸಾಮರಸ್ಯವನ್ನು ಬೆಳೆಸಬೇಕು ಎಂದು ಆರೋಗ್ಯ ಸಚಿವ ಯು.ಟಿ. ಖಾದರ್ ಹೇಳಿದರು.

ಬೆಂಗಳೂರಿನ ಗುಲಾಬಿ ಸಭಾಂಗಣದಲ್ಲಿ ಎಸ್‌ಎಂಎ ಕರ್ನಾಟಕ ಆಯೋಜಿಸಿದ್ದ ‘ಖೈರು ಉಮ್ಮಾ–ಉತ್ತಮ ಸಮುದಾಯ’ ಜಾಗೃತಿ ಅಭಿಯಾನದ ಸಮುದಾಯ ಸಮಾವೇಶದ ಸಮಾರೋಪ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಯಾವುದೇ ತಪ್ಪು ತಿಳಿವಳಿಕೆ ಅಥವಾ ಸಮಸ್ಯೆ ಎದುರಾದಾಗ ಮುಕ್ತ ಸಂವಾದ ಮತ್ತು ಶಾಂತಿಯುತ ಮಾತುಕತೆಯ ಮೂಲಕ ಪರಿಹಾರ ಕಂಡುಕೊಳ್ಳುವುದು ಮುಖ್ಯ. ಶಿಕ್ಷಣ ಮತ್ತು ಯುವಕರ ಸಬಲೀಕರಣವು ಸಮುದಾಯದ ಪ್ರಗತಿಗೆ ಅಡಿಪಾಯವಾಗಿವೆ ಎಂದು ತಿಳಿಸಿದರು.

ನಾಡಿನಲ್ಲಿ ಶಾಂತಿ ಮತ್ತು ಸೌಹಾರ್ದತೆಯನ್ನು ಕಾಪಾಡಿಕೊಂಡು, ಎಲ್ಲರೂ ಒಗ್ಗಟ್ಟಿನಿಂದ ಪ್ರಗತಿಯತ್ತ ಸಾಗಬೇಕು ಎಂದು ಕರೆ ನೀಡಿದರು.

ಕಾರ್ಯಕ್ರಮದಲ್ಲಿ ಎಸ್‌ಎಂಎ ಅಧ್ಯಕ್ಷರು, ಧಾರ್ಮಿಕ ವಿದ್ವಾಂಸರು, ಉಲೇಮಾಗಳು, ಸಮುದಾಯದ ಮುಖಂಡರು ಹಾಗೂ ಹಿರಿಯರು ಉಪಸ್ಥಿತರಿದ್ದರು.

---------------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.