ನವದೆಹಲಿ, 07 ಸೆಪ್ಟೆಂಬರ್ (ಹಿ.ಸ.) :

ಆ್ಯಂಕರ್ : ದೆಹಲಿಯಲ್ಲಿ ಅಪಾಯದ ಮಟ್ಟ ಮೀರಿ ಹರಿಯುತ್ತಿದ್ದ ಯಮುನೆಯ ನೀರಿನ ಮಟ್ಟ ಮೂರನೇ ದಿನವೂ ಇಳಿಕೆಯಾಗುತ್ತಿದೆ. ಭಾನುವಾರ ಮಧ್ಯಾಹ್ನ ನೀರಿನ ಮಟ್ಟ 205.50 ಮೀಟರ್ ದಾಖಲಾಗಿದ್ದು, ಇದು ಅಪಾಯದ ಮಟ್ಟವಾದ 205.33 ಮೀಟರ್‌ಗಿಂತ ಇನ್ನೂ ಮೇಲಾಗಿಯೇ ಇದೆ.

ಒಂದು ಹಂತದಲ್ಲಿ 207.48 ಮೀಟರ್ ತಲುಪಿದ್ದ ಯಮುನೆಯ ಹರಿವು ಈಗ ಇಳಿಕೆ ಕಾಣುತ್ತಿದೆ. ಯಮುನಾ ಬ್ಯಾಂಕ್ ಮೆಟ್ರೋ ನಿಲ್ದಾಣಕ್ಕೆ ಹೋಗುವ ಸಂಪರ್ಕ ರಸ್ತೆ ಮತ್ತೆ ಸಂಚಾರಕ್ಕೆ ಮುಕ್ತವಾಗಿದ್ದು, ಮೂರು ದಿನಗಳ ಹಿಂದೆ ನೀರು ನಿಂತ ಕಾರಣ ಮುಚ್ಚಲಾಗಿತ್ತು. ಮೆಟ್ರೋ ಸಂಚಾರದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ.

ಆದಾಗ್ಯೂ, ನದಿ ದಡದ ಅನೇಕ ಪ್ರದೇಶಗಳು ಇನ್ನೂ ನೀರಿನಲ್ಲಿ ಮುಳುಗಿರುವುದರಿಂದ ಅಲ್ಲಿ ವಾಸಿಸುತ್ತಿದ್ದ ಜನರನ್ನು ಪರಿಹಾರ ಶಿಬಿರಗಳಿಗೆ ಸ್ಥಳಾಂತರಿಸಲಾಗಿದೆ. ಶಿಬಿರಗಳಲ್ಲಿ ಆಹಾರ, ಕುಡಿಯುವ ನೀರು ಸೇರಿದಂತೆ ಅಗತ್ಯ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ.

ದೆಹಲಿ ಸರ್ಕಾರ ಪರಿಹಾರ ಶಿಬಿರಗಳಲ್ಲಿ ಎಲ್ಲಾ ಸೌಲಭ್ಯಗಳ ವ್ಯವಸ್ಥೆಗಾಗಿ ಸೂಚನೆ ನೀಡಿದರೆ, ದೆಹಲಿ ಮುನ್ಸಿಪಲ್ ಕಾರ್ಪೊರೇಷನ್ ಶಿಬಿರಗಳ ನೈರ್ಮಲ್ಯ, ಘಾಟ್‌ಗಳ ಸ್ವಚ್ಛತೆ ಹಾಗೂ ರೋಗ ನಿರ್ವಹಣೆಗೆ ವಿಶೇಷ ಕ್ರಮಗಳನ್ನು ಕೈಗೊಂಡಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa