ನವದೆಹಲಿ, 12 ಸೆಪ್ಟೆಂಬರ್ (ಹಿ.ಸ.) :

ಆ್ಯಂಕರ್ : ದೇಶೀಯ ಷೇರುಪೇಟೆ ಇಂದು ಲಾಭದೊಂದಿಗೆ ಆರಂಭವಾಯಿತು. ಆರಂಭಿಕ ಮಾರಾಟದ ಒತ್ತಡದ ಬಳಿಕ ಖರೀದಿ ಚಟುವಟಿಕೆ ಹೆಚ್ಚಳ ಕಂಡು, ಸೂಚ್ಯಂಕಗಳು ಹಸಿರು ವಲಯದಲ್ಲಿ ಸಾಗಿದವು.

ಬೆಳಿಗ್ಗೆ 10 ಗಂಟೆಗೆ ಸೆನ್ಸೆಕ್ಸ್ 171.86 ಅಂಕ ಏರಿಕೆ ಕಂಡು 81,720.59 ಅಂಕಗಳಲ್ಲಿ, ನಿಫ್ಟಿ 54.55 ಅಂಕ ಏರಿಕೆ ಕಂಡು 25,060.05 ಅಂಕಗಳಲ್ಲಿ ವಹಿವಾಟು ನಡೆಸಿತು.

ಟಾಟಾ ಮೋಟಾರ್ಸ್, ಹೀರೋ ಮೋಟೋಕಾರ್ಪ್, ಮಾರುತಿ ಸುಜುಕಿ, ಆಕ್ಸಿಸ್ ಬ್ಯಾಂಕ್ ಷೇರುಗಳು ಏರಿಕೆಯಾಗಿದ್ದು, ಟೆಕ್ ಮಹೀಂದ್ರಾ, ಎಸ್‌ಬಿಐ, ಐಸಿಐಸಿಐ ಬ್ಯಾಂಕ್ ನಷ್ಟ ಅನುಭವಿಸಿದವು.

ಒಟ್ಟು 2,058 ಷೇರುಗಳಲ್ಲಿ 1,126 ಹಸಿರು ವಲಯದಲ್ಲಿದ್ದು, 932 ಷೇರುಗಳು ಕೆಂಪು ವಲಯದಲ್ಲಿ ಸಾಗಿದವು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa