ನವದೆಹಲಿ, 16 ಆಗಸ್ಟ್ (ಹಿ.ಸ.) :

ಆ್ಯಂಕರ್ : ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ ಖ್ಯಾತ ಬ್ಯಾಟ್ಸ್‌ಮನ್ ಬಾಬ್ ಸಿಂಪ್ಸನ್ (89) ಶನಿವಾರ ನಿಧನರಾದರು. ಕ್ರಿಕೆಟ್ ಮೈದಾನದಲ್ಲೂ, ನಂತರ ಕೋಚ್‌ ಆಗಿಯೂ ಅವರು ಆಸ್ಟ್ರೇಲಿಯಾ ಕ್ರಿಕೆಟ್ ಪುನರುಜ್ಜೀವನಕ್ಕೆ ಮಹತ್ವದ ಕೊಡುಗೆ ನೀಡಿದ್ದರು.

1957ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್ ಪಂದ್ಯದ ಕ್ರಿಕೆಟ್ ಆಟ ಪ್ರಾರಂಭಿಸಿದ ಸಿಂಪ್ಸನ್, 62 ಟೆಸ್ಟ್‌ಗಳಲ್ಲಿ 4869 ರನ್‌ಗಳನ್ನು (ಸರಾಸರಿ 46.81) ಗಳಿಸಿದರು. ಇದರಲ್ಲಿ 10 ಶತಕ ಮತ್ತು 27 ಅರ್ಧಶತಕಗಳಿವೆ. ಅವರ ಅತ್ಯುತ್ತಮ ಟೆಸ್ಟ್ ಸ್ಕೋರ್ 311 (ಇಂಗ್ಲೆಂಡ್ ವಿರುದ್ಧ, ಮ್ಯಾಂಚೆಸ್ಟರ್) ಆಗಿತ್ತು. ಲೆಗ್‌ಸ್ಪಿನ್ನರ್ ಆಗಿ 71 ವಿಕೆಟ್‌ಗಳನ್ನೂ ಪಡೆದಿದ್ದರು.

1968ರಲ್ಲಿ ಪ್ರಾಥಮಿಕ ನಿವೃತ್ತಿ ಪಡೆದ ಅವರು, 1977ರಲ್ಲಿ 41ನೇ ವಯಸ್ಸಿನಲ್ಲಿ ಮತ್ತೆ ತಂಡಕ್ಕೆ ಮರಳಿ ನಾಯಕತ್ವ ವಹಿಸಿದ್ದರು. ಬಳಿಕ ಕೋಚ್ ಆಗಿ 1980–90ರ ದಶಕಗಳಲ್ಲಿ ಅಲನ್ ಬಾರ್ಡರ್ ಮತ್ತು ಮಾರ್ಕ್ ಟೇಲರ್ ನೇತೃತ್ವದ ತಂಡವನ್ನು ವಿಶ್ವದ ಶ್ರೇಷ್ಠ ತಂಡವನ್ನಾಗಿ ರೂಪಿಸಿದರು.

ಬಾಬ್ ಸಿಂಪ್ಸನ್ ಅವರ ನಿಧನದಿಂದ ಕ್ರಿಕೆಟ್ ಲೋಕ ಮತ್ತೊಬ್ಬ ದಿಗ್ಗಜನನ್ನು ಕಳೆದುಕೊಂಡಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa