ನವದೆಹಲಿ, 08 ಜುಲೈ (ಹಿ.ಸ.) :

ಆ್ಯಂಕರ್ : ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸುಂಕ ಘೋಷಣೆಗಳ ಪರಿಣಾಮ, ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಇಂದು ಬೆಳಗ್ಗೆ ಮಾರಾಟದ ಒತ್ತಡ ಕಂಡುಬಂದಿದೆ. ವಹಿವಾಟು ಸ್ವಲ್ಪ ದೌರ್ಬಲ್ಯದಿಂದ ಆರಂಭವಾದರೂ, ಕೆಲಹೊತ್ತು ಖರೀದಿಯ ಬೆಂಬಲದಿಂದ ಸೂಚ್ಯಂಕಗಳು ಚೇತರಿಸಿಕೊಂಡು ಮತ್ತೆ ಕುಸಿದವು.

ಬೆಳಿಗ್ಗೆ 10 ಗಂಟೆಯವರೆಗೆ ಸೆನ್ಸೆಕ್ಸ್ 15.53 ಅಂಕಗಳ ಏರಿಕೆಯೊಂದಿಗೆ 83,458.03ಕ್ಕೆ ತಲುಪಿದ್ದು, ನಿಫ್ಟಿ 4 ಅಂಕಗಳ ಕುಸಿತದೊಂದಿಗೆ 25,457.30ಕ್ಕೆ ತಲುಪಿದೆ. ಆರಂಭದಲ್ಲಿ ಸೆನ್ಸೆಕ್ಸ್ 83,387.03 ಮತ್ತು ನಿಫ್ಟಿ 25,427.85 ಅಂಕಗಳ ಮಟ್ಟದಲ್ಲಿ ತೆರೆಯಿತು.

ಬಿಎಸ್‌ಇಯಲ್ಲಿ 2,436 ಷೇರುಗಳಲ್ಲಿ ವ್ಯವಹಾರ ನಡೆದಿದ್ದು, 1,501 ಷೇರುಗಳು ಲಾಭದ ಹಸಿರು ವಲಯದಲ್ಲಿ ಮತ್ತು 935 ಷೇರುಗಳು ನಷ್ಟದ ಕೆಂಪು ವಲಯದಲ್ಲಿ ವಹಿವಾಟು ನಡೆಸಿದವು. ಸೆನ್ಸೆಕ್ಸ್‌ನ 30 ಷೇರುಗಳಲ್ಲಿ 16 ಹಸಿರು ವಲಯದಲ್ಲಿ ಇದ್ದರೆ, 14 ಕೆಂಪು ವಲಯದಲ್ಲಿದ್ದವು. ನಿಫ್ಟಿಯ 50 ಷೇರುಗಳಲ್ಲಿ 28 ಲಾಭದ ಮತ್ತು 22 ನಷ್ಟದ ಷೇರುಗಳು ಆಗಿವೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa