ಬೆಕೆನ್ಹ್ಯಾಮ್, 16 ಜುಲೈ (ಹಿ.ಸ.) :
ಆ್ಯಂಕರ್ : ಬೆಕೆನ್ಹ್ಯಾಮ್ ನಲ್ಲಿ ನಡೆದ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಅಂಡರ್-19 ಟೆಸ್ಟ್ ಪಂದ್ಯ ರೋಚಕ ಡ್ರಾದೊಂದಿಗೆ ಕೊನೆಗೊಂಡಿದೆ. ಭಾರತ 63 ಓವರ್‌ಗಳಲ್ಲಿ ಗೆಲ್ಲಲು 350 ರನ್ ಗುರಿ ನೀಡಿದರೂ, ಹಮ್ಜಾ ಶೇಖ್ (112) ಅವರ ಶತಕದ ನೆರವಿನಿಂದ ಇಂಗ್ಲೆಂಡ್ 7 ವಿಕೆಟ್ ಕಳೆದುಕೊಂಡು 270 ರನ್ ಗಳಿಸಿ ಸೋಲಿನಿಂದ ತಪ್ಪಿಸಿಕೊಂಡಿತು.
ಭಾರತ ಎರಡನೇ ಇನ್ನಿಂಗ್ಸ್‌ನಲ್ಲಿ 248 ರನ್ ಗಳಿಸಿ ಇಂಗ್ಲೆಂಡ್‌ಗೆ ದೊಡ್ಡ ಗುರಿ ನೀಡಿತ್ತು. ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ 540 ರನ್ ಮಾಡಿದ್ದರೆ, ಇಂಗ್ಲೆಂಡ್ 439 ರನ್ ಗಳಿಸಿತ್ತು.
ಆರಂಭದಲ್ಲಿ ಇಂಗ್ಲೆಂಡ್ 3 ವಿಕೆಟ್ ಕಳೆದುಕೊಂಡು ಒತ್ತಡದಲ್ಲಿತ್ತು, ಆದರೆ ಶೇಖ್, ಮೇಯ್ಸ್ (51) ಹಾಗೂ ರ್ಯು (50) ಉತ್ತಮ ಆಟವಾಡಿ ತಂಡವನ್ನು ಬಲಪಡಿಸಿದರು.
ಕೊನೆಗೂ ಆಲ್ಬರ್ಟ್ ಮತ್ತು ಹೋಮ್ ದಿಟ್ಟ ಆಟವಾಡಿ ಇಂಗ್ಲೆಂಡ್‌ನ್ನು ಸೋಲಿನಿಂದ ರಕ್ಷಿಸಿದರು.
ಭಾರತ ಪರ ವಾಘನ್ 6 ವಿಕೆಟ್ ಪಡೆದರೆ, ಬ್ಯಾಟಿಂಗ್‌ನಲ್ಲಿ ಮಲ್ಹೋತ್ರಾ (63) ಮತ್ತು ಅಂಬ್ರಿಸ್ (53) ಮಿಂಚಿದರು.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
