ಮುಂಬಯಿ, 07 ಜೂನ್ (ಹಿ.ಸ.) :

ಆ್ಯಂಕರ್ : ಮುಂಬೈನ ಮಿಥಿ ನದಿಯ ಶುದ್ಧೀಕರಣ ಯೋಜನೆ ಸಂಬಂಧಿತ ಭ್ರಷ್ಟಾಚಾರ ಹಗರಣದಲ್ಲಿ ಬಾಲಿವುಡ್ ನಟ ಡಿನೋ ಮೋರಿಯಾ ಹೆಸರು ತೀವ್ರವಾಗಿ ಕೇಳಿ ಬರುತ್ತಿದ್ದು, ಜಾರಿ ನಿರ್ದೇಶನಾಲಯ ಶನಿವಾರ ಅವರಿಗೆ ಸಮನ್ಸ್ ಕಳುಹಿಸಿದ್ದು, ಮುಂದಿನ ವಾರ ವಿಚಾರಣೆ ನಡೆಯಲಿದೆ.

ಮೂಲಗಳ ಪ್ರಕಾರ, ಈ ಪ್ರಕರಣದಲ್ಲಿ ಇಡಿ 15 ಮಂದಿಯ ಮನೆ ಮತ್ತು ಕಚೇರಿಗಳ ಮೇಲೆ ದಾಳಿ ನಡೆಸಿದ್ದು, ಪ್ರಮುಖ ಆರೋಪಿಯ ಬ್ಯಾಂಕ್ ಖಾತೆಯಿಂದ ಡಿನೋ ಮೋರಿಯಾ ಖಾತೆಗೆ ಹಣ ವರ್ಗಾವಣೆಗೊಂಡಿರುವುದು ಪತ್ತೆಯಾಗಿದೆ.

ಈ ಹಣಕಾಸಿನ ವಹಿವಾಟು ವೈಯಕ್ತಿಕವೆಂದು ನಟರು ಸ್ಪಷ್ಟಪಡಿಸಿದರೂ, ಇಡಿಗೆ ಅದು ಸಮಾಧಾನಕಾರಿಯಾಗಿಲ್ಲ.

ಈಗಾಗಲೇ ಮುಂಬೈ ಪೊಲೀಸರು ಈ ಪ್ರಕರಣದಲ್ಲಿ ಡಿನೋ ಮೋರಿಯಾಗೆ ಪ್ರಶ್ನೆಗಳನ್ನು ಕೇಳಿದ್ದಾರೆ.

ಈ ಹಗರಣದಲ್ಲಿ ₹65 ಕೋಟಿ ರೂ.ಗಳ ಅಕ್ರಮ ವ್ಯವಹಾರಗಳು ನಡೆದಿರುವ ಶಂಕೆ ಇದೆ. ಮಿಥಿ ನದಿಯು ಮುಂಬೈನ ಪ್ರಮುಖ ಒಳಚರಂಡಿ ಮಾರ್ಗವಾಗಿದ್ದು, ಇದನ್ನು ಸ್ವಚ್ಛಗೊಳಿಸಲು 'ಡ್ರೆಡ್ಜಿಂಗ್' ಉಪಕರಣಗಳ ಖರೀದಿಯಲ್ಲಿ ಟೆಂಡರ್ ಲೋಪ, ಹಣದ ದುರುಪಯೋಗ ಸೇರಿದಂತೆ ಹಲವಾರು ಅಕ್ರಮಗಳು ನಡೆದಿದೆ ಎನ್ನಲಾಗಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa