ನವದೆಹಲಿ, 24 ಜೂನ್ (ಹಿ.ಸ.) :

ಆ್ಯಂಕರ್ : ಇರಾನ್-ಇಸ್ರೇಲ್ ನಡುವೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ ಕದನ ವಿರಾಮದ ಪರಿಣಾಮವಾಗಿ ದೇಶೀಯ ಷೇರು ಮಾರುಕಟ್ಟೆ ಮಂಗಳವಾರದ ವಹಿವಾಟಿನಲ್ಲಿ ಲಾಭದಾಯಕವಾಗಿ ಪ್ರಾರಂಭವಾಯಿತು.

ಬಿಎಸ್ಇ ಸೆನ್ಸೆಕ್ಸ್ 637 ಅಂಕ ಏರಿಕೆಯಿಂದ 82,534 ಅಂಕಗಳಲ್ಲಿ ತೆರೆದು, ಏರಿಳಿತದ ನಡುವೆಯೂ ಬೆಳಿಗ್ಗೆ 10:15ಕ್ಕೆ 869 ಅಂಕಗಳ ಲಾಭದೊಂದಿಗೆ 82,766 ಅಂಕಗಳನ್ನು ತಲುಪಿತು. ಎನ್ಎಸ್ಇ ನಿಫ್ಟಿಯೂ 265 ಅಂಕಗಳ ಏರಿಕೆಯಿಂದ 25,237 ಅಂಕಗಳಲ್ಲಿ ವಹಿವಾಟು ನಡೆಸಿತು.

ಅದಾನಿ ಪೋರ್ಟ್ಸ್, ಲಾರ್ಸೆನ್ ಮತ್ತು ಟೂಬ್ರೊ, ಜಿಯೋ ಫೈನಾನ್ಷಿಯಲ್ ಮುಂತಾದ ಷೇರುಗಳು 4% ವರೆಗೆ ಏರಿಕೆ ಕಂಡರೆ, ಎನ್‌ಟಿಪಿಸಿ, ಓಎನ್‌ಜಿಸಿ ಷೇರುಗಳು ಸುಮಾರು 2.9% ರಷ್ಟು ಕುಸಿತ ಕಂಡವು.

ಒಟ್ಟು 2,466 ಷೇರುಗಳಲ್ಲಿ 2,025 ಲಾಭದಲ್ಲಿ, 441 ನಷ್ಟದಲ್ಲಿ ವಹಿವಾಟು ನಡೆಸಿದವು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa