ನವದೆಹಲಿ, 14 ಡಿಸೆಂಬರ್ (ಹಿ.ಸ.) :
ಆ್ಯಂಕರ್ : ನಾಗಾಲ್ಯಾಂಡ್ನಲ್ಲಿ ನಡೆಯುವ ಹಾರ್ನ್ಬಿಲ್ ಉತ್ಸವವು ಭಾರತದ ಸಾಂಸ್ಕೃತಿಕ ಶ್ರೀಮಂತಿಕೆ ಹಾಗೂ ಬುಡಕಟ್ಟು ಪರಂಪರೆಯ ಶಕ್ತಿಯುತ ಸಂಕೇತವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. ಈಶಾನ್ಯ ಭಾರತವು ಹೊಸ ಹಾಗೂ ಆತ್ಮವಿಶ್ವಾಸದ ಭಾರತದ ಪ್ರತೀಕವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಕೇಂದ್ರ ಸಚಿವ ಜ್ಯೋತಿರಾದಿತ್ಯ ಎಂ. ಸಿಂಧಿಯಾ ಅವರ ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸನಲ್ಲಿ ಮಾಡಿದ ಪೋಸ್ಟ್ಗೆ ಪ್ರತಿಕ್ರಿಯಿಸಿದ ಪ್ರಧಾನಿ, ಹಾರ್ನ್ಬಿಲ್ ಉತ್ಸವವು ಮಾನವ ಚೈತನ್ಯದ ನಿಜವಾದ ಪ್ರತಿಬಿಂಬವಾಗಿದ್ದು, ಭೂತಕಾಲ ಮತ್ತು ವರ್ತಮಾನಗಳ ಅದ್ಭುತ ಸಂಗಮವಾಗಿದೆ ಎಂದು ಬಣ್ಣಿಸಿದ್ದಾರೆ.
ಈಶಾನ್ಯ ಪ್ರದೇಶವು ಬೆಳೆಯುತ್ತ ಮುಂದುವರಿದಾಗ ಮಾತ್ರ ಇಡೀ ದೇಶವು ಸಮಗ್ರ ಪ್ರಗತಿಯನ್ನು ಸಾಧಿಸಲು ಸಾಧ್ಯವಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ನಾಗಾಲ್ಯಾಂಡ್ನ ವಿಶಿಷ್ಟ ಸಾಂಸ್ಕೃತಿಕ ಗುರುತನ್ನು ಎತ್ತಿ ತೋರಿಸಿದ ಪ್ರಧಾನಿ ಮೋದಿ, ಈ ರಾಜ್ಯವು ಕೇವಲ ಹಬ್ಬಗಳನ್ನು ಆಯೋಜಿಸುವುದಲ್ಲದೆ, ಸ್ವತಃ ಒಂದು ಮಹಾ ಆಚರಣೆಯ ರೂಪವಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಇದರಿಂದಲೇ ನಾಗಾಲ್ಯಾಂಡ್ಗೆ ‘ಹಬ್ಬಗಳ ನಾಡು’ ಎಂಬ ಗೌರವದ ಹೆಸರನ್ನು ಗಳಿಸಲು ಸಾಧ್ಯವಾಗಿದೆ ಎಂದು ಹೇಳಿದ್ದಾರೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
