ಹಜಾರಿಬಾಗ್, 11 ಡಿಸೆಂಬರ್ (ಹಿ.ಸ.) :
ಆ್ಯಂಕರ್ : ಭಯೋತ್ಪಾದಕ ಜಾಲದ ಹಣಕಾಸು ನೆರವು ಹಾಗೂ ಸಂಪರ್ಕಗಳ ವ್ಯಾಪಕ ತನಿಖೆಯ ಭಾಗವಾಗಿ ರಾಷ್ಟ್ರೀಯ ತನಿಖಾ ಸಂಸ್ಥೆ ಗುರುವಾರ ಬೆಳಿಗ್ಗೆ ಹಜಾರಿಬಾಗ್ನ ಅನ್ಸಾರ್ ನಗರ ಪ್ರದೇಶದಲ್ಲಿ ದಂತವೈದ್ಯ ಡಾ. ಜಮೀಲ್ ಮನೆ ಮೇಲೆ ದಾಳಿ ನಡೆಸಿದೆ.
ಸಿ ಆರ್ ಪಿ ಎಫ್ ಸಿಬ್ಬಂದಿಯೊಂದಿಗೆ ಆಗಮಿಸಿದ ಎನ್ಐಎ ತಂಡವು ಮನೆಯಲ್ಲಿ ವಿಸ್ತೃತ ಶೋಧ ನಡೆಸಿ, ಪ್ರಮುಖ ದಾಖಲೆಗಳು, ಮೊಬೈಲ್ಗಳು, ಲ್ಯಾಪ್ಟಾಪ್ಗಳು ಸೇರಿದಂತೆ ಹಲವು ಎಲೆಕ್ಟ್ರಾನಿಕ್ ಸಾಧನಗಳನ್ನು ವಶಪಡಿಸಿಕೊಂಡಿದೆ. ವಶಪಡಿಸಿಕೊಂಡ ವಸ್ತುಗಳನ್ನು ತಾಂತ್ರಿಕ ತಪಾಸಣೆಗೆ ಕಳುಹಿಸಲಾಗಿದೆ.
ಪ್ರಾಥಮಿಕ ಮಾಹಿತಿಯಂತೆ, ಅನ್ಸಾರ್ ನಗರದ ಕೆಲವರ ಅನುಮಾನಾಸ್ಪದ ಚಲನವಲನಗಳು ಹಾಗೂ ಡಿಜಿಟಲ್ ಸಂಪರ್ಕಗಳ ಬಗ್ಗೆ ಭದ್ರತಾ ಸಂಸ್ಥೆಗಳಿಗೆ ಹಲವು ದಿನಗಳಿಂದ ಮಾಹಿತಿ ಲಭ್ಯವಾಗಿದ್ದವು. ಸ್ಥಳೀಯರಿಂದ ಬಂದ ನಿರ್ದಿಷ್ಟ ಮಾಹಿತಿ ಮತ್ತು ಸಂವಹನ ಆಧರಿಸಿ ಈ ದಾಳಿ ನಡೆಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಎನ್ಐಎ ಪ್ರಸ್ತುತ ಡಾ. ಜಮೀಲ್ ನನ್ನು ವಿಚಾರಣೆಗಾಗಿ ವಶಕ್ಕೆ ಪಡೆದಿದ್ದು, ಹಣಕಾಸು ವಹಿವಾಟು, ಸಂಪರ್ಕ ಜಾಲ ಹಾಗೂ ಯಾವುದೇ ಬಾಹ್ಯ ಅಥವಾ ಅಂತರರಾಷ್ಟ್ರೀಯ ಸಂಪರ್ಕಗಳ ಬಗ್ಗೆ ತನಿಖೆ ಮುಂದುವರೆದಿದೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
