ಅಯ್ಯೋಧೆ, 25 ನವೆಂಬರ್ (ಹಿ.ಸ.) :

ಆ್ಯಂಕರ್ : ಅಯೋಧ್ಯೆಯ ರಾಮಪಥದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅದ್ದೂರಿ ರೋಡ್‌ಶೋ ನಡೆಸಿದರು. ಜೈ ಶ್ರೀ ರಾಮ ಎಂಬ ಘೋಷಣೆಗಳಿಂದ ರಾಮನಗರಿ ಮೊಳಗುತ್ತಿದ್ದರೆ, ಸಾವಿರಾರು ರಾಮಭಕ್ತರು ಮಾರ್ಗದಲ್ಲಿ ಜಮಾಯಿಸಿ ಪ್ರಧಾನಿಯನ್ನು ಸ್ವಾಗತಿಸಿದರು.

ಮಹರ್ಷಿ ವಾಲ್ಮೀಕಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಮೋದಿ ಅವರನ್ನು ರಾಜ್ಯಪಾಲೆ ಆನಂದಿ ಬೆನ್ ಪಟೇಲ್ ಹಾಗೂ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸ್ವಾಗತಿಸಿದರು. ನಂತರ ಹೆಲಿಕಾಪ್ಟರ್ ಮೂಲಕ ಸಾಕೇತ್ ಕಾಲೇಜಿಗೆ ಪ್ರಯಾಣಿಸಿದ ಪ್ರಧಾನಿ, ಅಲ್ಲಿ ಶಂಖನಾದ ಮತ್ತು ಸ್ವಸ್ತಿ ಮಂತ್ರಗಳ ನಡುವೆ ವಿದ್ಯಾರ್ಥಿಗಳಿಂದ ಆತ್ಮೀಯವಾಗಿ ಬರಮಾಡಿಕೊಳ್ಳಲಾಯಿತು.

ಸಾಕೇತ್ ಕಾಲೇಜಿನಿಂದ ರಾಮ ಮಂದಿರ ಸಂಕೀರ್ಣದವರೆಗೆ ನಡೆದ ರೋಡ್‌ಶೋದಲ್ಲಿ, ಮಹಿಳೆಯರು, ಶಾಲಾ ಮಕ್ಕಳು ಹಾಗೂ ಸ್ಥಳೀಯರು ಹೂವಿನ ಮಳೆಯೊಂದಿಗೆ ಪ್ರಧಾನಿಗೆ ಬರಮಾಡಿಕೊಂಡರು. ರಾಮಾಯಣ ಆಧಾರಿತ ಕಲಾ, ನೃತ್ಯ ಮತ್ತು ಜಾನಪದ ಪ್ರದರ್ಶನಕ್ಕಾಗಿ ದಾರಿಯುದ್ದಕ್ಕೂ ಏಳು ಸಾಂಸ್ಕೃತಿಕ ವೇದಿಕೆಗಳನ್ನು ಅಲಂಕರಿಸಲಾಗಿತ್ತು. ಈ ನಡುವೆ, ಪ್ರಧಾನಿ ಆದ್ಯಗುರು ಶಂಕರಾಚಾರ್ಯ ದ್ವಾರದ ಮೂಲಕ ರಾಮ ಜನ್ಮಭೂಮಿ ಯಾತ್ರಾ ಪ್ರದೇಶಕ್ಕೆ ಪ್ರವೇಶಿಸಿದರು.

ರಾಮ ದರ್ಬಾರ್ ಗರ್ಭಗುಡಿಯಲ್ಲಿ ರಾಮಲಲ್ಲಾದ ದರ್ಶನ ಪಡೆದ ಪ್ರಧಾನಿ, ನಂತರ ದೇವಾಲಯದ ಕೋಟೆಯೊಳಗಿನ ಸಪ್ತ ಮಂದಿರದಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು. ಮಹರ್ಷಿ ವಾಲ್ಮೀಕಿ, ವಸಿಷ್ಠ, ವಿಶ್ವಾಮಿತ್ರ, ಅಗಸ್ತ್ಯರು ಸೇರಿದಂತೆ ಅಹಲ್ಯಾ, ನಿಷಾದರಾಜ್ ಗುಹಾ, ಮಾತಾ ಶಬರಿ ಮೊದಲಾದ ಐತಿಹಾಸಿಕ ವ್ಯಕ್ತಿತ್ವಗಳ ಪ್ರತಿಮೆಗಳಿಗೆ ಪುಷ್ಪಾರ್ಚನೆ ಮಾಡಿ ಗೌರವ ಸಲ್ಲಿಸಿದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa