ನವದೆಹಲಿ, 09 ಸೆಪ್ಟೆಂಬರ್ (ಹಿ.ಸ.):

ಆ್ಯಂಕರ್:ಜಾಗತಿಕ ಮಾರುಕಟ್ಟೆಯಿಂದ ದುರ್ಬಲತೆಯ ಸೂಚನೆಗಳು ವ್ಯಕ್ತವಾಗಿದ್ದು, ಏಷ್ಯಾದ ಪ್ರಮುಖ ಷೇರುಪೇಟೆಗಳಲ್ಲಿ ಬುಧವಾರ ಮಿಶ್ರ ವಹಿವಾಟು ಕಂಡುಬಂದಿದೆ. ಪಶ್ಚಿಮ ಏಷ್ಯಾದ ಉದ್ವಿಗ್ನತೆ, ಕಚ್ಚಾ ತೈಲ ಬೆಲೆ ಏರಿಕೆ ಹಾಗೂ ಸಾಫ್ಟ್‌ವೇರ್ ಕಂಪನಿಗಳ ಷೇರುಗಳಲ್ಲಿ ಭಾರಿ ಮಾರಾಟದ ಒತ್ತಡ ಅಮೆರಿಕ ಮಾರುಕಟ್ಟೆಯ ಮೇಲೂ ಪರಿಣಾಮ ಬೀರಿದೆ.

ಅಮೆರಿಕದ ಡೌ ಜೋನ್ಸ್ ಕೈಗಾರಿಕಾ ಸೂಚ್ಯಂಕ ಶೇ.1.18ರಷ್ಟು ಕುಸಿದು 52,786.07 ಅಂಕಗಳಿಗೆ, ಎಸ್‌ಆ್ಯಂಡ್‌ಪಿ 500 ಸೂಚ್ಯಂಕ ಶೇ.0.58ರಷ್ಟು ಇಳಿದು 7,673.52 ಅಂಕಗಳಿಗೆ ತಲುಪಿದೆ. ನಾಸ್ಡಾಕ್ ಕೂಡ 85.58 ಅಂಕಗಳಷ್ಟು ಕುಸಿದು 26,421.41 ಅಂಕಗಳಲ್ಲಿ ವಹಿವಾಟು ಮುಗಿಸಿದೆ.

ಯುರೋಪಿನ ಮಾರುಕಟ್ಟೆಗಳಲ್ಲೂ ಮಿಶ್ರ ಫಲಿತಾಂಶ ಕಂಡುಬಂದಿದೆ. ಎಫ್‌ಟಿಎಸ್‌ಇ ಶೇ.0.10ರಷ್ಟು ಕುಸಿದರೆ, ಸಿಎಸಿ ಶೇ.0.14ರಷ್ಟು ಏರಿಕೆ ಕಂಡಿದೆ. ಡ್ಯಾಕ್ಸ್ ಸೂಚ್ಯಂಕವೂ ಅಲ್ಪ ಏರಿಕೆಯೊಂದಿಗೆ ವಹಿವಾಟು ಮುಗಿಸಿದೆ.

ಏಷ್ಯಾದ ಒಂಬತ್ತು ಪ್ರಮುಖ ಮಾರುಕಟ್ಟೆಗಳಲ್ಲಿ ಐದು ಸೂಚ್ಯಂಕಗಳು ಕುಸಿತದೊಂದಿಗೆ ಕೆಂಪು ವಲಯದಲ್ಲಿದ್ದರೆ, ನಾಲ್ಕು ಸೂಚ್ಯಂಕಗಳು ಏರಿಕೆಯೊಂದಿಗೆ ಹಸಿರು ವಲಯದಲ್ಲಿವೆ. ಕೊಸ್ಪಿ, ತೈವಾನ್ ವೇಯ್ಟೆಡ್, ಶಾಂಘೈ ಕಾಂಪೋಸಿಟ್ ಮತ್ತು ಸೆಟ್ ಕಾಂಪೋಸಿಟ್ ಸೂಚ್ಯಂಕಗಳು ಏರಿಕೆ ದಾಖಲಿಸಿವೆ. ಮತ್ತೊಂದೆಡೆ, ಗಿಫ್ಟ್ ನಿಫ್ಟಿ, ಸ್ಟ್ರೈಟ್ಸ್ ಟೈಮ್ಸ್, ಜಕಾರ್ತಾ ಕಾಂಪೋಸಿಟ್, ಹ್ಯಾಂಗ್‌ಸೆಂಗ್ ಹಾಗೂ ನಿಕ್ಕೈ ಸೂಚ್ಯಂಕಗಳು ಕುಸಿತದೊಂದಿಗೆ ವಹಿವಾಟು ನಡೆಸುತ್ತಿವೆ.

--------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.