ನವದೆಹಲಿ, 20 ಫೆಬ್ರವರಿ (ಹಿ.ಸ.) :

ಆ್ಯಂಕರ್ : ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರವೂ ಷೇರು ಮಾರುಕಟ್ಟೆಯಲ್ಲಿ ಏರಿಳಿತ ಮುಂದುವರಿಯಿತು. ಆರಂಭದಲ್ಲಿ ಕುಸಿತದೊಂದಿಗೆ ವಹಿವಾಟು ಆರಂಭಿಸಿದ ದೇಶೀಯ ಮಾರುಕಟ್ಟೆ ನಂತರ ಚೇತರಿಸಿಕೊಂಡು ಮತ್ತೆ ಅಸ್ಥಿರತೆಗೆ ಒಳಪಟ್ಟಿತು.

ಮುಂಬೈ ಷೇರುಪೇಟೆಯ ಬಿಎಸ್ಇ ಪ್ರಮುಖ ಸೂಚ್ಯಂಕವಾದ ಸೆನ್ಸೆಕ್ಸ್ 121.68 ಅಂಕಗಳ ಏರಿಕೆಯೊಂದಿಗೆ 82,619.82 ಮಟ್ಟದಲ್ಲಿ ವಹಿವಾಟು ನಡೆಸುತ್ತಿದೆ. ಅದೇ ವೇಳೆ, ರಾಷ್ಟ್ರೀಯ ಷೇರುಪೇಟೆಯ ಎನ್ಎಸ್ಇ ನಿಫ್ಟಿ 50 45.85 ಅಂಕಗಳ ಏರಿಕೆಯಿಂದ 25,500.20 ಮಟ್ಟದಲ್ಲಿ ವಹಿವಾಟು ನಡೆಸುತ್ತಿದೆ.

ಇಂದಿನ ವಹಿವಾಟಿನಲ್ಲಿ ಐಟಿ ಷೇರುಗಳಲ್ಲಿ ಮಾರಾಟದ ಒತ್ತಡ ಕಂಡುಬಂದರೆ, ಸಾರ್ವಜನಿಕ ವಲಯದ ಬ್ಯಾಂಕ್ ಷೇರುಗಳಲ್ಲಿ ಖರೀದಿ ಚಟುವಟಿಕೆ ಹೆಚ್ಚಾಗಿದೆ. ಆರಂಭಿಕ ವಹಿವಾಟಿನಲ್ಲಿ ಭಾರತೀಯ ರೂಪಾಯಿ ಅಮೆರಿಕನ್ ಡಾಲರ್ ಎದುರು 27 ಪೈಸೆ ಕುಸಿದು 90.95 ಮಟ್ಟಕ್ಕೆ ತಲುಪಿದೆ.

ಗುರುವಾರ, ಬಿಎಸ್ಇಯ 30 ಷೇರುಗಳ ಸೆನ್ಸೆಕ್ಸ್ ತನ್ನ ಮೂರು ಅವಧಿಯ ಏರಿಕೆಯನ್ನು ಮುರಿದು 1,236.11 ಅಂಕಗಳು ಅಥವಾ 1.48 ಶೇಕಡಾ ಕುಸಿತದೊಂದಿಗೆ 82,498.14 ಕ್ಕೆ ಮುಕ್ತಾಯಗೊಂಡಿತ್ತು. ಅದೇ ವೇಳೆ, ಎನ್‌ಎಸ್‌ಇಯ 50 ಷೇರುಗಳ ನಿಫ್ಟಿ 365.00 ಅಂಕಗಳು ಅಥವಾ 1.41 ಶೇಕಡಾ ಇಳಿಕೆಯಿಂದ 25,454.35 ಮಟ್ಟದಲ್ಲಿ ದಿನಾಂತ್ಯ ಕಂಡಿತ್ತು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa