ನವದೆಹಲಿ, 20 ಜುಲೈ (ಹಿ.ಸ.) :
ಆ್ಯಂಕರ್ : ಭಾರತೀಯ ಸೇನೆಗೆ ಅಮೆರಿಕದಿಂದ ಮೂವರು AH-64E ಅಪಾಚೆ ಯುದ್ಧ ಹೆಲಿಕಾಪ್ಟರ್‌ಗಳು ಜುಲೈ 22ರಂದು ಲಭ್ಯವಾಗಲಿವೆ. 15 ತಿಂಗಳ ವಿಳಂಬದ ಬಳಿಕ ಬೋಯಿಂಗ್ ಕಂಪನಿಯಿಂದ ಪೂರೈಕೆ ನಡೆಯುತ್ತಿದೆ. ಉಳಿದ ಮೂರು ಹೆಲಿಕಾಪ್ಟರ್‌ಗಳು ವರ್ಷಾಂತ್ಯದ ವೇಳೆಗೆ ಲಭ್ಯವಾಗಲಿವೆ.
2020ರಲ್ಲಿ ಭಾರತ 600 ಮಿಲಿಯನ್ ಡಾಲರ್ ಮೌಲ್ಯದ ಒಪ್ಪಂದದ ಮೂಲಕ ಆರು ಅಪಾಚೆ ಹೆಲಿಕಾಪ್ಟರ್‌ಗಳ ಖರೀದಿ ಮಾಡಿತ್ತು. ಆದರೆ ಬೋಯಿಂಗ್ ಪೂರೈಕೆ ಸರಪಳಿಯ ವಿಳಂಬ ಮತ್ತು ಯುಎಸ್ ರಕ್ಷಣಾ ಆದ್ಯತಾ ವ್ಯವಸ್ಥೆಯ ಸಮಸ್ಯೆಗಳ ಕಾರಣ ಈ ಪೂರೈಕೆ ವಿಳಂಬವಾಗಿತ್ತು. ಈ ಸಮಸ್ಯೆಗಳನ್ನು ಏಪ್ರಿಲ್-ಮೇನಲ್ಲಿ ಪರಿಹರಿಸಲಾಗಿದೆ.
ಅಪಾಚೆ ವೈಶಿಷ್ಟ್ಯಗಳು:
ಹೆಲ್‌ಫೈರ್ ಕ್ಷಿಪಣಿಗಳು, ಗಾಳಿಯಿಂದ ನೆಲಕ್ಕೆ ರಾಕೆಟ್‌ಗಳು, ಉನ್ನತ ತಂತ್ರಜ್ಞಾನ ಸಂಯೋಜನೆ.
ಶತ್ರು ಪ್ರದೇಶದಲ್ಲೂ ದಾಳಿ ಮಾಡಿ ಸುರಕ್ಷಿತವಾಗಿ ಹಿಂತಿರುಗಲು ವಿನ್ಯಾಸ.
550 ಕಿ.ಮೀ ವ್ಯಾಪ್ತಿ, 16 ಟ್ಯಾಂಕ್ ವಿರೋಧಿ ಕ್ಷಿಪಣಿಗಳು, 30mm ಗನ್ ಸಹಿತ 1,200 ಗುಂಡು ಸಾಮರ್ಥ್ಯ.
2.45 ಗಂಟೆ ಹಾರಾಟ ಸಾಮರ್ಥ್ಯ.
2023ರ ಮಾರ್ಚ್ 15ರಂದು ಜೋಧ್‌ಪುರದಲ್ಲಿ ಸೇನೆಯು ತನ್ನ ಮೊದಲ ಅಪಾಚೆ ಸ್ಕ್ವಾಡ್ರನ್ ರಚಿಸಿತ್ತು. ಇಲ್ಲಿ ಭಾರತೀಯ ವಾಯುಪಡೆಯ ‘ಪ್ರಚಂಡ್’ ಹೆಲಿಕಾಪ್ಟರ್ ಸ್ಕ್ವಾಡ್ರನ್ ಕೂಡ ಕಾರ್ಯನಿರ್ವಹಿಸುತ್ತಿದ್ದು, ಅಪಾಚೆ ಮತ್ತು ಪ್ರಚಂಡ್ ಜೋಡಿ ಪಶ್ಚಿಮ ಗಡಿಯಲ್ಲಿ ಸಮರ ತಂತ್ರವನ್ನು ಬಲಪಡಿಸಲಿವೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
